MUQDISHO (DAYNIILE.COM)-War qoraala oo ka soo baxay Hanti-dhworka gudu ee Qaranka ayaa lagu canaantay hay’adaha dowlada ee u qaabilsan dhanka daqli ururinta taasoo muujineysa inuu jiro gaabis iyo hanti lunsasho.
Hanti dhowraha isagoon hay;’ada iyo shaqsi gaara tilmaamin ayuu faray dhamaan hay’adaha daqli ururinta inay hantida qaranka si toos ah ugu shubaan qasnada dhexe ee Dowlada Somalia
“Dakhligu waa hal-bowlaha nolosha ee howlgalka, jiritaanka iyo shaqada dowladda, sidaas awgeed si dowladdu u hesho dakhli ku filan oo ay ku fuliso waajibka ka saaran bixinta iyo fududeynta adeegyada kala duwan ee dadweynuhu uga baahan yahay, dowladda waa in dhammaan Dakhliyada kala duwan ee ay qabtaan hay’adaha dowladdu ay si dhammeystiran u gaaraan Khasnadda dhexe ee dowladda,” ayaa lagu yiri qoraal ka soo baxay xafiiska Hantdhowrka guud ee qaranka.
Lama yaqaan waxa soo dedejiyay warkaan misaankiisa leh ee ka yimid hanti dhowraha guud ee qaranka.
Advertisement
Waxaa suurtagal ah in tani tahay digniin horu dhac ah oo hadii ay ku tusaale qaadan waayaan ay ku soo xigi karto magacaabis hay’ado iyo ku soo oogis musuq maasuq.
XAFIISKA WARARKA
DAYNIILE.COM
