BARDAALE (DAYNIILE.COM)-Sida lagu baahiyay warbaahinta Dowlada Somalia howlgal ciidamada Dowlada iyo kuwa deegaanka ay iska kaashadeen ayaa lagu laayay tira ka mida kooxda Alshabaav.
Wararku waxay tilmaamayaan in Ciidamada Nabad sugida Dowlada iyo kuwa deegaanka oo iskaashanaya ay howlgalkaan si gaar ah uga fuliyeen deegaanka Taflow oo hoos taga Degmada Bardaale ee Gobolka Bay.
Ciidamada Dowlada iyo kuwa deegaanka waxay dileen 10 ka tirsanaa dagaalamayasha Alshabaab sida uu warbaahinta Dowlada u sheegay Cusmaan Xasan Maxmed oo ka mid saraakiisha hoggaaminaysay howlgalkaas.
Sarkaalkaani wuxuu xusay inay la wareegeen goobaha ay howlgalka u tageen islamarkaana ay ka eryeen Alshabaabkii ku sugnaa.
Cusmaan Xasan Maxmed wuxuu intaas ku daray inay ciidamada deegaanku maamulayaan goobahaasi.
“Dadka deegaanka dhibaato ayay ku hayeen xitaa biyaha warta waa laga iibinaayay shacabka laakiin hada guul baa laga gaaray oo waxaa deegaanadaasi gaaray kana saaray Alshabaab ciidanada Nabad sugida Dowlada Somalia iyo dadka deegaanka oo iskaashanaayay”ayuu mar kale yiri Cusmaan Xasan Maxmed
XAFIISKA WARARKA
DAYNIILE.COM
