GAALKACYO (DAYNIILE.COM)-Maxkamada Magaalada Gaalkacyo ee Maamulka Puntland ayaa maanta dil toogasho ah ku fulisay nin hore dil usoo geystay.
Eedeysanaha la toogtay oo lagu magacaabi jirey Maxamed Abshir Cabdulaahi ayaa horay u dilay Cabdinuur Khaliif Gayre.
Goobta fagaaraha ee xukunka dilka lagu fulinaayay waxaaa goob joog ka ahaa masuuliyiin ka tirsan Dowlad Goboleedka puntland iyo ehalada labada dhinac.
Xeer ilaaliyaha guud Gobolka Mudug ee Puntland iyo Gudoomiyaha Gobolka Mudug ayaa hadalo ka jeediyeen goobta qisaaasta ay ka dhaceysay.
Xeer ilaaaliye C/naasir Maxamed Cali wuxuu sheegay inay ugu danbeyn Maxkamada sare amartay fulinta xukunkaan ku dhacay Maxamed Abshir Cabdulaahi oo 29 jir ahaa.
Gudoomiyaha Gobolka Mudug Faysal Sheekh Cali ayaa u duceeyay labadoodaba madaaama gacan ku dhiiglaha xadka laga oofiyay.
“Hore 7 gacan ku dhiigle ayaa siyaabo kala duwan loogu fuliyay dil midkoodna warbaahinta lama aanan wadaagin laakiin midkaan sababta aan usoo bandhignay ayaa ah in dadku ku baraarugaan in qofkij dila qof sidaan loo toogan doono, dadka oo dhan ayayna dan u tahay”ayuu yiri Gudoomiye Faysal
XAFIISKA WARARKA
DAYNIILE.COM