Jowhar (dayniiile.com)-Madaxweynaha Maamulka Hirshabelle Cali Xuseen Guud-laawe ayaa ka hadlay dagaal beeleedyada arxanka daran ee ka jira gobolka shabeelaha dhexe oo ka mida Dowlad Goboleedka Hirshabeele.
Cali Guud-laawe wuxuu sheegay inay mudo sedex bilood ah nabadeyn ka dhex wadeen beelo walaalo ah oo wada dega deegaano hoos taga Degmo Xeebeedka Caddalle ee Gobolka Shabeelaha dhexe.
“saad ogtihiin mudo sedx bilood ayaan u fadhinay saan u heshiisiin lahayn beelo walaalo ah,hadaan meel ka dhameyno meel kaleey ka diicee”ayuu yiri Madaxweyne Cali Guud-laawe
Madaxweynaha wuxuu carabka ku adkeeyay in dil walaal aan waxba lagu gaareyn adduun iyo aakhiro.
“anagu ka dowlad ahaan wixii hada ka danbeeya intaan wax nabdooneyn karno waa ka shaqeynay,waxaan balanqaadeynaa inaan dowladnimo iyo sharci ku dhaqno cid kasta oo dagaalka sii wada, hay’adihii garsoorkana waa dhameystirnay”ayuu yiri Guud-laawe
XAFIISKA WARARKA
DAYNIIILE.COM
