Madaxweynaha Dowlada Federaalka Soomaaliya Xasan Sheekh Maxamuud iyo wafdi uu hoggaaminayo ayaa xalay gaaray magaalada Jabuuti ee caasimadda Jamhuuriyadda Jabuuti, halkaas oo uu kaga qayb galayo kulanka 41-aad ee aan caadiga ahayn ee Madaxda Urur goboleedka IGAD.
Madaxweyne Xasan Sheekh Maxamuud ayaa Maanta kulan la qaatay dhiggiisa Jamhuuriyadda Jabuuti Ismaaciil Cumar Geelle oo marti-gelinaya shirkan.
Labada Madaxweyne ayaa iska waraystay xaaladda gobolka, xiriirka walaaltinimo ee ka dhexeeya Soomaaliya iyo Jabuuti iyo iskaashiga arrimaha saameynta ku leh labada shacab oo ay ugu horreyaan arimaha amniga iyo nabadda gobolka.
