Wasiirka cadaaladda iyo arrimaha Dastuurka XFS, mudane Xasan Macallin Maxamuud ayaa maanta xafiiskiisa ku qaabilay Ku-xigeenka Ergeyga Gaarka ah ee Qaramada Midoobay ee Soomaaliya (UNSOM) ahna Iskuduwaha Arrimaha Gargaarka ee Soomaaliya, Mr. George Conway.
Kulanka uu Wasiirka la yeeshay George Conway ayaa looga hadlay arrimo la xiriira kor-u-qaadista iskaashiga iyo adeegyada cadaaladda, xuquuqda aadanaha, iyo gaarsiinta deegaanada la xoreeyay adeegyada bulshadu u baahan tahay.
Wasiirka ayaa ergeyga ku adkeeyay in ay muhiimad dheeraada siiyaan gaarsiinta gargaarka deegaanada dhawaan laga xoreeyay gacanta khawaarijta.
=XIGASHO WARBAAHINTA DOWLADA=
