Wasiir ku xigeenka wasaaradda Kalluumeysiga iyo Dhaqaalaha Buluugga ah ee Xukuumadda Federaalka Soomaaliya Mudane Cali Ifiye Cali ayaa furay shir looga hadlayey Kalluumeysiga sharci darrada ah ee dalka, kaas oo ay soo qaban qaabisay Hay’adda Qaramada Midoobay ee dambiyada iyo daroogada ee loo yaqaano (UNODC).
Shirkan waxaa diiradda lagu saaray dhiirigalinta Kalluumeysiga wanaagsan, ilaalinta kheyraadka badaha Soomaaliya, ka hortagga Kalluumeysiga sharci darrada ah, dhaqangalinta iyo la tiigsiga sharciga dhinacyada ku howlan Kalluumeysiga sharci darrada ah iyo dambiyada badaha.
Shirkan waxaa kasoo qeybgalay wasiirada wasaaradaha Kalluumeysiga iyo Dhaqaalaha Buluugga ah ee Dowladaha Xubnaha ka ah Dowladda Federaalka Soomaaliya, Khubro dhinaca Kalluumeysiga iyo amniga badaha ah, iyo qaar kamid ah iskaashatooyinka Kalluumeysiga Soomaaliya.
