HARGEISA (DAYNIILE.COM)-Taliyaha ciidanka dab-damiska Maamulka Somaliland Axmed Maxamed (Sawaaxili) ayaa wareysi uu siiyay idaacada VOA-da laanteeda afka Soomaaliga wuxu kaga hadlay khasaaraha nafeed ee ka dhashay daadadka iyo baliyada ay roobabku sababeen..
Taliyaha wuxuu sheegay in balliyada iyo goobaha biyo-mareenada ah ay ku geeriyoodeen guud ahaan Somaliland Allaha u naxariistee 64 ruux.
Sarkaalkaan oo sii sharaxayay meelaha ay ku kala dhinteen ayaa qaar ka sheegay sida Caasimada Maamulka Somaliland oo ay ku dhinteen 14 ruux ,Gabileey 4 ruux,Burco 2 ruux.
Sidoo kale sarkaalka wuxuu tilmaanay in Magaalada Ceeri-gaabo ay ka soo bad-baadiyeen laba ruux.
Dhanka kale kooxda gurmadka waxay shacabka ku eedeeyeen inay la soo daahaan wargelinta marka qof ku dhaco bali oo ay saacado kadib soo sheegaan markaasoo kooxda gurmadku naftooda halis gasho waxay soo bad baadiyaan iska daaye.
XAFIISKA WARARKA
DAYNIILE.COM
