Baladweyne (dayniiile.com)-Wararka laga helaayo Magaalada Baladweyne ee Xarunta Gobolka Hiiraan ayaa sheegaya in xalay iyo Saaka uu fatahaad hor leh sameeyay wabiga xili hore cabsi loo qabay oo dadku dhagta u taagneyd.
Xaafada Howlwadaag ayaa la soo sheegayaa inay ugu daran tahay oo Guryuhu ay biyuhu galeen markii wabigu soo jabsaday kar kaarada oo hore dad weynuhu jawaano u dhigeen.
Inkastoo wax khasaare nafeed ah aan la soo sheegin hadana barakac ayaa jira inkastoo qoysas badana hore uga sii careen Magaalada si aysan caruurtu wax yeelo u soo gaarin.
Fatahaadaan cusub ee Baladweyne waxaa loo badaniyaa in dadkii ku haray dhanka qoraxsin inay saaka ka barakici doonaan halka dhanka bari hore ay u barakaceen dadkii ugu badnaa.
XAFIISKA WARARKA
DAYNIIILE.COM
