Madaxweyne Xigeenka Hirshabelle Yuusuf Axmed Hagar (Daba-geed) oo la hadlayay ciidamo Dowlada iyo dadka deegaanka isugu jirey ayaa ku dhiiri-geliyay inay sii wadaan dagaalka Alshabaab ka dhanka ah.
Daba-geed ayaa xasuusiyay ciidamada in horaba inta badan bariga Hiiraan looga saaray Alshabaab hadana inta harsan ay tahay inay isku kaalmeystaan.
“Gaal iyo Muslim intaan kaalmeysan karno, anagana aan mowqif mideysan Alshabaab uga saarno inta noo hartay madaama inta badan bariga Hiiraan aan hore uga saarnay”ayuu yiri Yuusuf Daba-geed
Sidoo kale wuxuu soo hadal qaaday qaar bulshada ka mida ay wadaan wax ka baxsan arimihii hore loogu heshiiyay sida uu warka u dhigay isagoo tilmaamay in kuwaas la gaarsiiyo in wixii lagu heshiiyay ay ahaayeen iska xoreynta Alshabaab.
“waxay warka ka bilaabayaan markaan wajiga koowaad ku guuleysanay xaqeena nalama siin,walaalayaal dagaalka anagaa lafaheena isku xoreyneyna, dadka Soomaaliyeedna caddowga ka xoreyneyna” ayuu yiri Yuusuf Daba-geed.
XAFIISKA WARARKA
DAYNIIILE.COM