Maamulka Degmada Gubadley ayaa caawa qabtay munaasabad loogu mahadcelinayay Madaxda Qaranka, maadaama dhowaan Madaxweynaha Jamhuuriyadda uu Gubadley u aqoonsaday degmo rasmi ah oo ka tirsan gobolka Banaadir.
Masuuliyiin uu ka mid yahay Ra’iisul Wasaarihii hore ee dalka Cali Maxamed Geedi, Guddoomiyaha Gobolka Banaadir ahna Duqa Magaalada Muqdisho Yuusuf Xuseen Jimcaale (Madaale), Wasiiro, Xildhibaano, Saraakiil, Odayaal dhaqan iyo qeybaha kala duwan ee bulshada ayaa ka qeyb galay munaasabadda mahadcelinta aheyd ee caawa lagu qabtay degmada Gubadley.
Dhawaan ayay ahayd markii Degreeto ka soo baxday Madaxweynaha Soomaaliya lagu aqoonsaday in Gubadleey,Garasbeeleey iyo Daara-salaam si rasmi ah loogu aqoonsaday inay ka gudbeen magacii deegaan islamarkaana ay u talaabeen Degmooyin buuxa oo ka tirsan degmooyinka Gobolka Banaadir.
Advertisement
